Айта кету керек, аталған шараның мақсаты Қытай Халық Республикасының атом энергетикасы мен өнеркәсібін дамытудағы тәжірибесін және жетістіктерін зерттеу, сондай-ақ атом саласында белсенді мемлекеттер арасындағы тәжірибе алмасу және ынтымақтастықты кеңейту.

Сапар бағдарламасына Чэнду қаласында өткен семинарға қатысу, Шанхай қаласында «Шанхай Электрик» ірі зауытының өндірістік объектілерін, сондай-ақ Сычуань провинциясында орналасқан ядролық отын өндіру зауытын аралау кірді. Бұл Қазақстанда болашақ атом электр станциялары үшін отын өндіруді кеңейту жоспарлары аясында жасалған маңызды қадам.

Анықтама: WANO (World Association of Nuclear Operators) — әлемдегі атом электр станцияларын басқарушы ұйымдардың халықаралық қауымдастығы. Қазіргі таңда WANO құрамында әлемнің барлық атом электр станцияларын пайдаланатын ұйымдар бар, олардың жалпы саны шамамен 460 энергия блогын қамтиды. Қауымдастықтың мақсаты — әлемдегі барлық АЭС-тердегі қауіпсіздік міселесі.