АЭХА Бас конференциясының 67-сессиясы аяқталды
2023 жылғы 25-29 қыркүйек аралығында Вена қаласында (Аустрия) өткен Атом энергиясы жөніндегі халықаралық агенттіктің (АЭХА) Бас конференциясы 67-сессиясының жұмысы аяқталды.
Конференция барысында «ҚАЭС» ЖШС өкілдерінің қатысуымен қазақстандық делегация АЭХА Бас директоры Рафаэль Мариано Гроссимен, сондай-ақ Америка Құрама Штаттарының, CNNC қытай компаниясының, KHNP корей компаниясының, EDF, I2EN, Assystem француз компанияларының және ресейлік «Росатом» МК өкілдерімен өткен кездесулерге қатысты. Кездесулер барысында тараптар екіжақты ынтымақтастықтың келешегі мен жоспарларын талқылады.
